ആലുവ: ഓടിക്കൊണ്ടിരുന്ന കാര് കത്തി നശിച്ചു. എടത്തല എന് എ ഡി ഗെയ്റ്റിന് സമീപമുള്ള കുഴിക്കാട്ടുകര ജുമാമസ്ജിദിന് മുന്നില് വൈകിട്ട് ഏഴു മണിയോടെയാണ് സംഭവം ഉണ്ടായത്.
കളമശ്ശേരി ഭാഗത്തേക്ക് വരികയായിരുന്ന കാറില് നിന്നുമാണ് തീ ഉയര്ന്നത്. പിന്നാലെ വന്ന ഇരുചക്ര വാഹന യാത്രക്കാരാണ് കാറില് നിന്നും തീ ഉയരുന്നത് കണ്ടത്. കാര് നിര്ത്തി യാത്രക്കാര് പുറത്തേക്ക് ഇറങ്ങിയതോടെ പെട്ടെന്ന് തീ ആളിപ്പടരുകയും ചെയ്തു. നാലുപേരാണ് സംഭവ സമയം കാറില് ഉണ്ടായിരുന്നത്.
ആലുവ ഏലൂര് എന്നിവിടങ്ങളില് നിന്ന് എത്തിയ അഗ്നിശമനസേനയും നാട്ടുകാരും ചേര്ന്നാണ് തീ അണച്ചത്. ആളപായമില്ലെങ്കിലും കാര് പൂര്ണമായും കത്തി നശിച്ചു.