ആലുവ: രണ്ടു പതിറ്റാണ്ട് കഴിഞ്ഞ് ഭര്ത്താവ് തെരഞ്ഞെടുപ്പ് ഗോദയില് വീണ്ടുമിറങ്ങിയപ്പോള് ഒപ്പം സ്ഥാനാർഥിയായി ഭാര്യയും രംഗത്ത്. ബിജെപി നോര്ത്ത് ജില്ലാ വൈസ്പ്രസിഡന്റ് കൂടിയായ എ. സെന്തില്കുമാര് കീഴാട് ഡിവിഷനില് നിന്ന് ജില്ലാ പഞ്ചായത്തിലേക്കും ഭാര്യ ആര്. ഭവാനി കീഴ്മാട് പഞ്ചായത്തിലെ ചുണങ്ങംവേലി വെസ്റ്റ് 17-ാം വാര്ഡില് ഗ്രാമപഞ്ചായത്തിലേക്കുമാണ് മത്സരിക്കുന്നത്.
സെന്തില്കുമാര് 20 വര്ഷം മുന്പ് വാഴക്കുളം ബ്ലോക്ക് പഞ്ചായത്തിലേക്ക് മത്സരിച്ചിട്ടുണ്ട്. ഭവാനി ആദ്യമായാണ് മത്സരിക്കുന്നത്. ഉപരാഷ്ട്രപതി സി.പി. രാധാകൃഷ്ണന് ഇവരുടെ വീട്ടില് സന്ദര്ശിക്കുകയും ഭക്ഷണം കഴിക്കുകയും ചെയ്തിരുന്നു. സെന്തില് ഏറെക്കാലമായി ബിജെപി നേതൃനിരയിലുണ്ട്. ഭവാനി കുടുംബശ്രീ പ്രവര്ത്തകയാണ്. ചില മേഖലകളില് ഇരുവരും ഒപ്പമാണ് വോട്ട് ചോദിക്കുന്നത്.