ആലുവ: ഇരുപത്തിനാല് സീറ്റുകൾ വർധിച്ചിട്ടും ആലുവ നിയോജക മണ്ഡലത്തിൽ ഒരു സ്ഥാനാർഥിയെപോലും അനുവദിക്കാതിരുന്നതിൽ പ്രതിഷേധിച്ച് യുഡിഎഫിന്റെ എല്ലാ പ്രചാരണ പരിപാടികളിൽ നിന്നും വിട്ടുനിൽക്കാൻ കേരള കോൺഗ്രസ് ആലുവ നിയോജക മണ്ഡലം കമ്മറ്റി തീരുമാനിച്ചു.
യുഡിഎഫിലെ മൂന്നാമത്തെ കക്ഷിയായ കേരള കോൺഗ്രസിനെ കോൺഗ്രസ് വഞ്ചിച്ചെന്ന് യോഗം ആരോപിച്ചു. നിയോജക മണ്ഡലം പ്രസിഡന്റ് ആന്റണി മാഞ്ഞൂരാൻ അധ്യക്ഷനായി. സമാനരീതിയിൽ എതിർപ്പ് പ്രകടിപ്പിച്ച കേരള കോൺഗ്രസ്- ജേക്കബ് വിഭാഗത്തിന് യുഡിഎഫ് സെക്രട്ടറി സ്ഥാനം നൽകി ആശ്വസിപ്പിച്ചിരുന്നു.