ആലുവ: 15 വയസ്സു മുതൽ രാഷ്ട്രീയ പ്രവർത്തനത്തിൽ സജീവമായ വ്യക്തി, കാലങ്ങളായി കോൺഗ്രസ്സിന്റെ നിരവധി പദവികൾ വഹിക്കുന്ന നേതാവ്, ആലുവ മുൻസിപ്പാലിറ്റി 26-ാം ഡിവിഷനിലെ സ്ഥാനാർത്ഥിക്ക് വിശേഷണങ്ങൾ നിരവധിയാണ്. പി എം മൂസക്കുട്ടിയെന്ന ജനകീയ നേതാവിന് പൊതു പിന്തുണയേറെയാണ്. സാമൂഹ്യ സാംസ്കാരിക രംഗത്ത് സജീവമായ ഇദ്ദേഹം ചാരിറ്റി പ്രവർത്തനങ്ങളുമായി സജീവമാണ്.
ആലുവയുടെ സ്പന്ദനമറിഞ്ഞ നേതാവെന്ന ഖ്യാതിക്ക് അർഹനാണ് ഇദ്ദേഹം. കാരണം, 2010-15 വർഷങ്ങളിൽ ഇതേ ഡിവിഷനിൽ കൗൺസിലറായിരുന്നു ഇദ്ദേഹം. കൂടാതെ, ആലുവ ബ്ലോക്ക് വൈസ് പ്രസിഡന്റ്, ആലുവ മർച്ചന്റ് അസോസിയേഷൻ സെക്രട്ടറി, തുടങ്ങി നിരവധി പദവികളും വഹിച്ചിട്ടുണ്ട്.
ഭാര്യയും മക്കളുമടങ്ങളുന്ന കുടുംബത്തിലെ ഓരോരുത്തരും പി എം മൂസക്കുട്ടിക്ക് പിന്തുണ നൽകി എപ്പോഴും കൂടെ തന്നെയുണ്ട്.