ചെങ്ങമനാട്: ലഹരിമരുന്ന് മാഫിയകൾക്കെതിരെ ബോധവൽക്കരണം ശക്തമാക്കുന്നതിന്റെ ഭാഗമായി ചെങ്ങമനാട് ഗ്രാമപഞ്ചായത്തിന്റെ നേതൃത്വത്തിൽ ‘ഓപ്പറേഷൻ തൂഫാൻ’ ബോധവൽക്കരണ റാലിയും പഞ്ചായത്തുതല ഉദ്ഘാടനവും സെപ്റ്റംബർ 28ന് നടക്കും.
രാവിലെ 10ന് ദേശം ജംഗ്ഷനിൽ നിന്ന് ആരംഭിക്കുന്ന ബോധവൽക്കരണ റാലി പറമ്പയം വഴി സഞ്ചരിച്ച് പറമ്പയം ഇന്നേറ്റ് കൺവെൻഷൻ എക്കോലാൻഡിൽ സമാപിക്കും.
രാവിലെ 11ന് എക്കോലാൻഡ് വേദിയിൽ കേരള ഡെപ്യൂട്ടി സ്പീക്കർ ഷാനിമോൾ ഉസ്മാൻ പരിപാടി ഉദ്ഘാടനം ചെയ്യും. ആലുവ എം.എൽ.എ അൻവർ സാദത്ത്, സിനിമാതാരം സിജു വിൽസൺ, ജനപ്രതിനിധികൾ, എക്സൈസ്, പോലീസ് ഉദ്യോഗസ്ഥർ തുടങ്ങിയവർ പങ്കെടുക്കും.
യുവതലമുറയെ ലഹരിയുടെ പിടിയിൽനിന്ന് സംരക്ഷിക്കുന്നതിനുള്ള ബോധവൽക്കരണ പ്രവർത്തനങ്ങളുടെ ഭാഗമായി സംഘടിപ്പിക്കുന്ന പരിപാടിയിൽ പഞ്ചായത്ത് നിവാസികൾ ഉൾപ്പെടെ എല്ലാവരും പങ്കെടുക്കണമെന്ന് പഞ്ചായത്ത് പ്രസിഡന്റ് ജെർളി കപ്രശ്ശേരി അറിയിച്ചു.
