ആലുവ: എടത്തല കെ.എം.ഇ.എ എൻജിനീയറിങ് കോളേജിന്റെ 25-ാം വാർഷിക രജതജൂബിലി ആഘോഷങ്ങളുടെ ഭാഗമായി സിൽവർ ജൂബിലി അക്കാദമിക് ബ്ലോക്കിന്റെയും സ്പോർട്സ് കോംപ്ലക്സിന്റെയും ഉദ്ഘാടനം ഒക്ടോബർ 30 ന് നടക്കും.
രാവിലെ 10.30ന് കോളേജ് ഓഡിറ്റോറിയത്തിൽ നടക്കുന്ന ചടങ്ങ് മുഖ്യമന്ത്രി വി.ഡി. സതീശൻ ഉദ്ഘാടനം ചെയ്യും. കെ.എം.ഇ.എ പ്രസിഡന്റ് സയ്യിദ് ബഷീർ അലി ശിഹാബ് തങ്ങൾ അധ്യക്ഷത വഹിക്കും. ഫിഷറീസ്, തുറമുഖ വകുപ്പ് മന്ത്രി വി.ഇ. അബ്ദുൽ ഗഫൂർ മുഖ്യാതിഥിയാകും.
കെ.എം.ഇ.എ ജനറൽ സെക്രട്ടറിയും കോളേജ് മാനേജ്‌മെന്റ് കമ്മിറ്റി ചെയർമാനുമായ റിയാസ് അഹമ്മദ് സൈറ്റ് സ്വാഗതം ആശംസിക്കും. മാനേജ്‌മെന്റ് കമ്മിറ്റി സെക്രട്ടറി അഡ്വ. കെ.എ. ജലീൽ കോളേജിന്റെ നേട്ടങ്ങൾ വിശദീകരിക്കും. ഡയറക്ടറും പ്രിൻസിപ്പലുമായ ഡോ. ടി.എം. അമർ നിഷാദ് റിപ്പോർട്ട് അവതരിപ്പിക്കും.
ബെന്നി ബഹനാൻ എം.പി, അൻവർ സാദത്ത് എം.എൽ.എ, എടത്തല ഗ്രാമപഞ്ചായത്ത് പ്രസിഡന്റ് എ.എ. മാഹിൻ, കെ.എം.ഇ.എ ട്രഷറർ എച്ച്.ഇ. മുഹമ്മദ് ബാബു സൈറ്റ് എന്നിവർ ആശംസകൾ നേർന്ന് സംസാരിക്കും. വൈസ് പ്രിൻസിപ്പൽ ഡോ. രേഖ ലക്ഷ്മണൻ നന്ദി രേഖപ്പെടുത്തും.
